专访｜林景程弃高薪追梦，家人不认同，遭父指受骗入行：他是金钱派！ 林景程尽管其演技获得观众、公司认可，然而支持者却不包括其父亲，即使已做艺人十几年，父亲仍觉得他只是玩玩而已，深信他终有一日「玩够」就会走。而其实林景程素来都是一个没什么自信，常常陷入自我质疑的人，总觉得自己做得未够好。 很多人知道林景程另一个身份是物理治疗师，这一科不易入，想必读书时要有一定成绩才能获取录，他却否认以前是「学霸」，指读书时成绩都是在中游位置徘徊，「HKCEE（会考），考完我到而家都唔知点解，我有25分喎。」其实他中学时已经想读演艺，纵使不实际知道演艺学院为何物，却以为读到演艺就等于入到娱乐圈。母亲说：「好，你考埋个会考就试吓啦。」殊不知有25分，简直是意料之外，「我阿妈就更加系顺势同我讲真系唔好嘥，同一时间我又觉得真系唔好嘥喎，读埋个中六中七。可能真系上天眷顾啦，报咗物理治疗真系又入到，又觉得唔好嘥喎，跟住我阿妈又话真系唔好嘥喇，不如你读埋，咁你跟住咪去啰。」 问十个父母，至少八、九个都希望仔女做专业人士，景程的双亲也一样。他成长环境物质不缺，父亲做地产、哥哥做大律师，他知道母亲其实不想他读演艺的，尤其对林母来说，娱乐圈是个复杂的大染缸、怕宝贝仔一入去就学坏，又怕他没能力养活自己。尽管家人没有硬性去阻止他，但慢慢地一路一路读到上去，他觉得妈妈的「唔好嘥」策略成功了，因为他逐渐已失去对演艺的兴趣，「读完书都20几岁，呢个年纪入行都叫大，所以我嗰时都觉得算啦，唔好搞咁多嘢。」话虽如此，但景程大学时未停止过参加各区的歌唱比赛，问到最好成绩的一次，他思考半响说：「好似系荃湾区，叫做攞咗个冠军，但系其实唔犀利㗎，因为好多唔同慨歌唱比赛其实都输到无影。」 一个刚刚毕业的物理治疗师，人工已达三万，比起未知前景的电视台艺人，当然优厚一大截，对于要转行，林景程原本以为父亲不会太有意见，但他慢慢意识到对方其实并不想他走这条路，他说：「渠都会有我头先讲嗰个概念，就系钱喎，你可以搵多好多㗎喎，你嗰边搞唔搞得掂㗎？或者你搞得掂都好，点解你唔搵多啲啫？去到早两个礼拜同渠饮茶，渠都仲同我讲紧呢样嘢。」林爸爸当时说：「你嗰边都系玩吓㗎啫，玩多几年慨啫，系咪呀？唔紧要呀，你呢边搵到钱得啦，你迟啲都会做返（物理治疗）。」景程感谢父母，年轻时努力搵钱打拼，他才能过上无忧生活，可以去谈理想，因此即使父亲在他入行十多年仍认为他是「玩吓」、试图潜移默化他「回头」，他也能够理解，毕竟对上一辈来说，钱真的很重要，所以他只会将这个问题看成两个世代的想法差异，也不会试图改变对方。 他认为父亲是个典型爸爸，很内敛，有话不会直接讲，「渠会用一个对渠嚟讲讲笑慨方式表达，所以我觉得，我接受，我听到渠呢句我feel到渠对我慨关心㖭，其实我嗰吓仲好冧。（咁你点回应）系呀系呀，再算啦，再算啦。」前阵子，景程陪父亲其好友饮茶，席间一众长辈用潮州话交谈，他虽然也是潮州人，却不会听潮州话，「渠直程话用潮州话同渠啲朋友讲，我个仔做电视，系呀，渠俾人呃呀。渠签咗电视，俾人呃，迟啲冇㗎喇，唔紧要，冇事慨。」对于被父亲当「傻仔」，景程没感到难过，反倒与得父亲可爱，「喺渠概念嚟讲，渠觉得呢行系唔好慨，渠就自然同人倾偈都唔想将佢个仔唔好慨一面表露出嚟，所以渠就话系俾人呃啰。实质上系咪俾人呃，梗系唔系啦，但系渠会用另类慨形式去保护渠自己个仔。」 笔者问道，父亲会不会只是口硬心软而已，很多亚洲家长都会如此，心里其实逐渐认同，却不一定会表露出来，景程听罢笑了几声说：「哈哈哈，我谂冇，因为佢好坚定系金钱派慨长辈嚟，渠嗰一代系一定睇住钱，所以我谂除非我话畀佢听，我而家做戏搵钱多过做物理治疗，咁我谂呢个就会可以同渠倾慨嘢。」而事实上，景程现在打两份工，人工绝对低过做全职物理治疗师，他知道如果自己专心一意做物理治疗，全家的生活水平都有所提升，因此他也自言自私，亦正因如此，他坚持不会让家人为自己的选择「埋单」，该给的家用尽量都不去减，「因为呢个我慨抉择，我抉择咗，Suffer慨应该系我，唔应该影响到渠哋。譬如好似家用咁，我阿爸其实知好多嘢，渠心里面好多谂法，家用就坚持唔收好多，我要去到闹交咁样同渠讨论，最后先畀到一嚿钱渠。」 景程讲到有一次他畀完家用后，突然收到爸爸来电说：「我塞咗（家用）喺门度，你快啲攞返，唔好俾人拎咗呀！」原来林父将景程交的家用全部提了出来，去到他家门前，将钱全数塞在铁闸里，然后扬长离去，更说：「我唔要咁多！」明知家人为自己好、怕他没钱用，景程窝心又内疚，但由于知道父亲为人较固执，为免吵架，他也就没再塞回去，「再塞畀佢就会嘈，呢个就系我头先讲慨无谓慨嘈吵，大家都系关心大家，如果真系唔要，你又知道其实佢个生活上面个钱系足够慨，咁慨前提底下我就冇再同渠……因为最后我有同渠倾过，我俾一半，渠岌头OK，所以有结论喺度就OK。」
