51岁的蔡少芬近年一家五口回流返港生活，日前她就接受好友谢宁和兰茜的YouTube频道访问，她自揭与张晋结婚数月后，发现自己险患乳癌的经历：「我未生之前睇医生，我差啲有乳癌，因为我有乳腺增生，我有一个位系有硬块，个医生话你忍一针啦，忍一忍，抽一抽。好啦，我睇住渠插，拮到歪晒都队唔到落去，渠觉得系阴影嗰个位。跟住渠讲，硬㗎喎，我心谂唔系呀嘛。之后（支针）挛咗，渠再攞一支拮入去。（连支针都整挛埋？）挛咗4支，佢话挛咗4支都搞唔掂。（几时慨事？）啱啱结婚，未有BB。之后我转咗医生，渠一拮就抽到，佢话系水分唔系咁好，不过唔紧要慨，验完我再话你听。唔好谂咁好嘢，开开心心。」 蔡少芬称未转医生前，见到老公张晋时痛哭：「我喊到不得了，我话我对唔住呀，啱啱同你结婚都未够一年，我就「强直性（脊椎病） 」又有，而家仲有埋乳癌，我唔知点面对你。我真系好对唔住我老公，因为啱啱结婚都冇一年就发生咁多嘢，我觉得好对唔住渠，喊到我死。 」幸好，报告出后结果是良性：「而家系良性，我哋Keep住3个月检查一次，如果冇乜嘢就冇乜嘢，但我劝你喂人奶。因为喂人奶，你乳腺增生会越嚟越收。你冇咗呢样嘢就好难有癌症。」 之后，蔡少芬为了小朋友和自己的健康就选择母乳喂哺：「第二次见医生，佢话好咗好多但仲有乳腺增生，佢话如果有BB，你再喂啦，竟然又被我有咗。（唔怪之得你生咁多件。）绝对唔系因为为咗自己啦，都有为咗自己慨，但唔系『净系』，之后我又再喂，喂完又再睇佢，之后佢话如果生第3个就好啦，我包你一定冇乳癌。我话吓，而家已经喂得好辛苦，已经好攰，同埋我觉得我唔会有第3个，估唔到6年后又有第3个，我而家已经喂完，我就好安心，我应该唔会再有呢个病，成件事我都觉得好感恩。」
