我家有囍事丨林德信騷肌與林穎彤拍劇 梁茵主動色誘掀爭奪戰
HOY TV原創兼製作的全港首部電視微短劇《我家有囍事》，將於3月3日，逢星期一至五，晚上九時一連兩集，在HOY TV 77台播映。
今日（27日）《我家》劇組一眾演員出席記者會，為劇集造勢，包括林德信（Alex）、林穎彤（Bella）、梁茵（Kiko）、七仙羽（七師傅）、李尚正（阿正）、盧頌恩（妹頭）、黃澤鋒、吳嘉儀（阿七） 及阮偉倫（阿倫）。除了眾演員現身記者會外，有線寬頻通訊有限公司行政總裁兼執行董事杜之克、香港有線娛樂總經理余詠珊女士，以及《我家有囍事》的監製廖晉碩，亦有到場支持活動。
Alex及Bella首次合作為HOY TV拍攝浪漫愛情喜劇，讓人期待二人在劇中的愛情火花。首次拍攝微短劇的Bella，在記者會中亦談及，今次除了角色充滿挑戰性外，拍攝的手法及節奏亦令她大感新鮮。在劇中飾演千金大小姐的她，為了從舅父黃澤鋒手上奪回家產，竟不惜向Alex迫婚，更會與梁茵上演「爭仔」情節；同樣首次拍攝微短劇的阿七，則在劇中演Bella的秘書。
今次是Alex與Bella首次擔正劇集男女主角，Alex在劇中左右逢源，可謂艷福無邊，他表示開心及榮幸：「拍劇好enjoy，因為大部分時間都係兩位小姐追我。（現實中冇？）現實中冇人追我，哈哈！」他稱今次是首度擔正，加上久未拍劇，所以很珍惜今次機會，提到劇中有他騷肌場面，他笑言：「因為當時唔知下個場口拍乜，如果早知道，我會去健身冇，咁就可以再露多啲，不過都有少少尷尬，其實當時大家睇劇本，都唔知我會露幾多，係由我現場決定。」
「嗰場個個睇劇本嘅時候，劇本寫差唔多要全裸，拍嘅時候要話可以露幾多其實冇人咁講，攝影師又冇講，所以個個都喺度等緊，到最後我都係自己除晒啲衫，可惜就唔夠時間，如果你要呢啲要除衫嘅，我一定會用啲啞鈴Push up啲肌肉，我覺得嘥咗啲肌肉去騷啲線條，我諗係攝影師打燈師見得最多。」「Bella都睇到好多，但係冇攝影師咁多。我都見到Bella着住浴袍，上面冇着衫。」Bella則回應：「係有着嘅，好似冇着衫咁。」林德信強調自己有着底褲。被問到太太會否呷醋拍攝床戲，他回應：「唔會嘅我太太不嬲拍戲嘅時候都要全程投入，好了解從來都冇問過我呢啲嘢。」
跟Alex拍檔Bella透露朋友得知她跟Alex合作均大感羨慕：「好正！因為佢好靚仔。」又謂自己大飽眼福：「觀眾只係睇到佢露膊頭，但我喺現場係睇晒，好開心，我有睇多幾眼。」談到她之前在社交網自稱該劇是她最後一次拍劇，她解釋：「因為我離開無綫之後諗住會減少幕前工作，專注搞網店，但點知有人搵我拍劇，仲係做女主角，因為我未做過女主角，所以我就擱置咗我嘅網店工作去拍劇，拍得好開心。（會唔會令你想做多啲幕前？）如果有機會都想，但前提係要兼顧到間網店。」至於梁茵在劇中會跟Bella爭奪Alex，更會色誘男方，她大讚：「佢好靚仔，好心動，不過色誘都係以搞笑為主。」
曾有拍攝英文微短劇經驗的Alex又分享自己讀中文劇本壓力，幸好在劇中飾演他媽媽的七師傅好識搞笑兼現場爆肚，大放笑料，令他放鬆不少。同場七仙羽首次演媽媽角色，她笑言向來被叫「妹妹」，不習慣被稱呼為媽媽，經常出戲，又指劇中演員多是訓練班出身，自己沒有上過演技科程，所以經常笑場，反應亦不及其他人快。
阿正及妹頭作為黃金拍檔多年，曾拍攝多個綜藝節目，今次在劇中身分升級，2人在劇中演夫妻，2位歡喜冤家為大家帶來歡樂，阿正提到劇中會有動作戲。首次拍攝電視劇的阿倫表示，在前輩身上獲益良多，更笑言對今次角色非常滿意，他更為此報讀了戲劇訓練班，希望日後在演藝事業上有更多不同的嘗試。
