星岛：星8卦丨“俊俊”童年阴影爱拍拖唔结婚 被“妹妹”自残吓亲誓做浪子
“俊俊”果然有一手，同边个女艺人合作，就同附近嘅女演员挞着，而且迷到啲女人死死下，个个都话佢好好。“俊俊”出身比较複杂，跟住阿妈流杂失所，所以好叻睇人眉头眼额。所以每个佢想追嘅目标，都好难唔畀佢嘅温柔溶化，佢仲可以喺女仔屋企楼下等嗰种老派沟女法，而家边有几多人肯咁畀耐性同心思。但又好奇怪，佢换画之快又破咗纪录，每次都係半年唔到就分手，而且次次嘅类型都唔同，可谓百花齐放。
“俊俊”话自己係浪子，每次拍拖都同啲女讲清楚，唔好谂住有以后，冇脚雀仔唔会为任何一个女人停止再飞。佢每次都用尽力对啲女好，估唔到係“妹妹”竟然谂住用自杀嚟逼佢留喺自己身边，嗰次几乎搞出人命。“俊俊”吓到面青，因为成屋血，佢仲对“妹妹”好照顾，畀“妹妹”假像以为有机会行落去。问题係呢件事反而吓到“俊俊”更加唔想为任何一个女人停低，“妹妹”一好番，佢即刻写咗封分手信，同“妹妹”解释自杀呢件事有几错。
而家嘅“才女”都係玩认真㗎，不过好在性格唔进取，令“俊俊”觉得可以行落去，不过呢种怕压力嘅男人，都係遗祸人间嘅男颜祸水，睇下“才女 ”几时被飞，连“俊俊”都叫佢享受过程，但感情投入咗又点可以话分就分，“才女”真係祝你好运！
