TVB團拜｜主席許濤夥管理層與逾千職員同樂 財神安德尊狂派金至受歡迎
TVB举行一年一度嘅新春团拜嘉年华。电视广播有限公司行政主席许涛同一众管理层，以及应届三位港姐倪乐琳、杨梓瑶同王讯文，仲有一众职员齐齐参加，场面热闹非凡。大家一齐欣赏醒狮表演，又有安德尊化身财神，同两位见习财神大派金元宝同利是，连主席都话好开心见到大家咁热烈参与。
许涛：“见到全场坐无虚席，就有感而发，觉得TVB嘅力量嚟自各位同事嘅团结。佢话无论系面对市场嘅逆境定系挑战，只要大家团结一心，大家要体谅，每一个部门之间、每一个同事之间，公司要发展嘅方向，就可以好似过去嗰五十七年噉样，继续创造好多辉煌。所以佢喺呢度借呢个机会，祝大家身体健康、万事如意，仲有家庭美满幸福，多谢各位。”
一众管理层除咗同大家拜年之外，仲一齐玩Bingo游戏，玩得相当投入。主席许涛仲好彩中奖添。安德尊说：“真系好难得，第一次见主席系中间，仲第一个中奖，呢两位见习财神（宋懿芳、曾錦燊）梗系要做足定点功夫啦。你睇个个见习财神几醒目，仲话要筛选过先出嚟帮手派奖。仲要好似头先噉靓仔。佢哋两个都好醒目。”
而曾志伟当日虽然以总经理身份现身，但做惯掌门人嘅佢，都周围去搞气氛，仲带头向观众席抛金元宝朱古力，他说：“今日好开心，每次团拜都系最开心嘅，同员工一齐拜年，大家又可以拎礼物，又有Bingo玩，自己又有嘢派，好似派银纸、派金、派公仔。我好似都睇过啲奖品，因为希望大家，TVB嘅同事一成年都有好运，希望所有同事身体健康，由年头好到年尾。”
