蕭正楠 黃翠如放閃慶祝情人節 友人操刀拍攝溫馨孕肚家庭照
對蕭正楠、黃翠如呢對夫妻嚟講，今年嘅情人節肯定別具思義，事關係佢哋「最後一個二人世界」情人節！一向隨意嘅二人亦難得有「儀式感」，認真過節之餘亦好好記錄幸福一刻。
翠如喺社交平台刻出多張同老公喺酒店Staycation嘅甜蜜合照，呢輯相風格溫馨，亦有翠如展現溫柔一面嘅單人照，不過放閃度最高嘅就當然係一張翠如展露孕肚坐喺梳化、阿蕭則身穿浴衣坐喺地上嘅合照，二人笑得開心，簡單嘅造型同抓拍更顯佢地平凡幸福感覺。
翠如撰文分享呢次過節感受，亦透露呢輯溫馨寫真係由朋友操刀：「從來都沒有重視過情人節，今年忽然有一點不同感受，總是在想，這可能是最後一次二人情人節。原來對未來還是空白的假設，也會帶來一點積極性。來一次staycation ，找朋友來認真拍照留念，一起做Spa ，一起吃個儀式感的飯。」而喺文末處，翠如再現「大頭蝦」個性，同大家分享自己臨瞓前先記起忘記帶孕枕同懷supplement，所以令假期要縮短。雖然有呢個小插曲，但翠如都形容呢個假期好值得紀念。
萧正楠[超话] 黄翠如[超话]
