戴耀明做埋洗碗都唔够生活，北上地底价登台抢市：一万蚊任做！ 经济不景，就连娱乐圈都受影响，以前一直爆骚的万能绿叶戴耀明都受影响，拍剧机会少了，在等监制电话的同时亦要为自己生计打算，早前就被直击他到艺人张本立开的茶餐厅当侍应，当楼面为客人落单，传茶，之后到后栏洗碗兼倒垃圾，除了赚外快亦希望学懂一门手艺，将来就算转行亦可以无缝接轨，但原来戴耀明日间做茶记，夜晚亦有副业，有时一日做足20小时，生活不容易?? 戴耀明的副业就是到内地二、三线夜场登台唱歌，这条亦是TVB艺人「揾真银」的财路，二线小生小花唱三首歌都有十万至二十万收入，一线的更可以去到五十万，不过戴耀明有自知之明，决定玩地底价抢市，他说：「我就一万蚊任做，做到个客叫停为止哈哈，通常做一晚唱三首，但我冇所谓慨，观众开心有反应，唱多几首啰，（做乜咁平？）我开十万，廿万都得?，不过冇人揾啫哈哈??我哋唔系卖歌艺，我哋卖点系熟悉感啦，好多都系睇TVB剧大，咁我哋梗系玩价廉物美，簿利多销密食嗰只啦。」 虽然戴耀明自嘲歌艺不是卖点，但他亦认真练歌及不时更新下歌单，他说：「我就好钟意哥哥慨，咁实唱《为妳钟情》《Monica》合唱歌就《唯独你是不可取替》，气氛好就送多首《大热》其实我冇所谓慨，同埋啲老板都对我好好，中港车接我上去唱歌再车返我落嚟，（有冇唱下啲新歌？）有呀，洪嘉豪首《黑玻璃》，仲有MC首《记忆棉》但高音嗰到好难唱，练好啲先表演啦。」戴耀明唱歌都几认真架，真系好似有练咁喎。
