艺人专访丨袁伟豪睇张宝儿头 追女凑“好”字
袁伟豪与张宝儿的囝囝“袁咕碌”转眼已经一岁多，为迎接新年他一早开始“特训”儿子拜年，为𢭃利是做好准备。恨再做爸爸的他笑言要等老婆点头，希望生多个囡囡凑成“好”字，兼夹攞政府两万蚊生仔奖金。
艺人袁伟豪（Ben）与张宝儿的儿子“袁咕碌”袁晞佑转眼一岁多，一家三口过年更加幸福，宝儿过年前已为家居装饰增添气氛，特别选购桃花加强仪式感，还会进行家庭教育，教囝囝向父母拜年。Ben也笑言准备就绪，圣诞节过后已经“特训”教儿子拜年“请请”手势，准备好袋子给儿子拜年𢭃利是：“都想带佢多啲出去拜年，囝囝出世后，好多朋友都想探佢，但呢位阿妈对小朋友作息时间好着紧，所以过年就啱晒，带佢去拜年见吓朋友。”
Ben指囝囝刚学识行路，相当可爱，每日和囝囝玩一、两小时已经很快乐，袁咕碌半年前更已经先叫爸爸，实在冧爆老窦，他笑说：“半年前囝囝牙牙学语嘅时候不断引导佢叫爹、爹，佢识叫爸爸，已经开心咗我半年，但系依家仲未识叫阿妈。”宝儿笑说：“开头都好想佢嗌妈妈先，但系都冇办法，小朋友每个发音都有佢嘅时间，我都已经睇淡咗，冇唔开心。”她觉得儿子先叫爸爸因为老公有独特的教学方法：“佢会不断咁重复好多次，好似佢锺意嘅歌佢会播足半年畀个仔听，我就同佢唔同，每日都要转嘢。”
