TVB上位小花自爆悭家用头发撩牙 吓窒冯盈盈：真系好爆 「後生仔」班底冯盈盈（FYY）、陆浩明（6号）、游嘉欣及孔德贤（Danny），拍摄旅游节目《玩转澳门更多Fun》带大家齐齐玩转澳门。四位「後生仔」去到路环码头的一间食店大叹白兰地咖啡、猪扒包和辣鱼包，期间大家闲谈感情状况，讲到游游入行多年仍保持「A0」之身，游游突然有料爆说：「我拣极都唔好！」即时引起众人哗然，Danny说：「即系你试过先知唔好啦？」FYY唔执输追问：「有咩唔好呀？讲嚟听听！」 另边厢，与女友拍拖多年的6号被追问几时结婚，脑筋急转的6号靠一招拉开话题，反问大家会畀多少钱人情，游游竟然说要视乎宴会的餐单，激到反白眼的6号说：「你完全错晒，唔应该系睇Menu系咩，而应该系睇你同佢嘅交情畀几多，游游咁多年思想冇变过！」文青之旅停不了，FYY和游游去到一间森林风Café食好西兼打卡，该店就连「万人迷」碧咸都帮衬过，FYY和游游唔执输点了碧咸同款果茶和曲奇，打卡打到手软！ 之後「後生仔」出发到十月初五街的茶饮店，出名是魔音的盈盈一时兴起献唱《祝君好》，听到令人耳朵流产，6号更投诉：「盈盈，仲想做朋友嘅话就唔好唱歌啦！」 最後一站，制作组「卖大包」请四人大叹土生菜，咖哩秋葵虾、辣茄酱酿苦瓜船、小教堂焗肉围等美食，色香味俱全，大家食到舔舔脷！饮饱食醉後大家集体撩牙，语不惊人死不休的游游再度发功，不经意爆出一句：「女人先会知，用头发撩牙。」闻言眼都凸埋的FYY说：「吓！头发撩牙？」Danny好奇心爆发问：「当牙线咁用呀？」游游继续天然呆本色说：「你（FYY）冇试过？我以为系女仔都用?。」游游再自豪表示可以不牺牲任何一条头发的情况撩牙，再度被吓窒的FYY说：「即系你拎嚟撩完，之後再摆番喺後面？你环保到底，头发都唔会嘥一条！真系好爆！」
