导演王晶早前进军YouTube开设频道「王晶笑看江湖」，第二集（3日）昨日播出，继续讲到星爷睇钱重要过朋友，利字当头，二人正式决裂的导火线是拍摄《千王之王2000》时，直指对方态度不合作，不肯交戏畀张家辉等等。王晶说当时向嘉禾电影公司巨头蔡永昌先生讲，打算开拍《少年李小龙》，问对方拿800万片酬，星爷亦同意，但到倾拆账问题，周星驰就得寸进尺：「开头谂得几好慨，但系大家度吓度吓，渠越嚟越要求高，因为渠太崇拜李小龙。」他续说：「我返去同周星驰讲，800万我哋六四分啦，你六我四啦，跟住大家一齐筹备，过咗一个礼拜渠返嚟话，我觉得七三分会公平啲，我话其实咁老友有乜所谓，你钟意咪得啰。我个人就系太顺摊，我返去继续写剧本，写分场，两三个礼拜后渠又同我讲，谂吓都系唔通，我一定要八二喇！我话我接受唔到，但系系咪如果唔系咁，你就唔做呢件事呢？佢话系㗎，我话我就你一次，下不为例，呢部我当送慨，八二就八二，我都好想拍呢套戏，但系以后大家忘记咗呢个比例，合作要另外倾，佢话好啦好啦。」 谁知之后星爷原来再反口，王晶获蔡永昌告知《少年李小龙》因周星驰不想拍而取消，「渠（星爷）话畀800万渠拍乜都好，渠净系要嚿钱咋嘛，结果就畀咗永盛拍《武状元苏乞儿》，我觉得OK，冇问题，但系我哋以后唔好喺钱银上有任何瓜葛，就得喇。」王子涵问他觉得对方是把钱还是朋友看得比较重，他回答：「我谂渠将钱同朋友分开，分得好清楚，渠曾经同吴孟达喺天津做过一个传呼机生意，结果蚀咗，渠有啲怪吴孟达，所以以后渠同吴孟达都冇咁好。渠睇钱大过朋友好多，可能觉得普通朋友就还普通朋友，讲到钱就冇朋友做都无所谓，我觉得渠系咁慨人。」他指大家都见星爷朋友不多，就算跟谷德昭行得埋，但都因为二人冇利益冲突和关系，一旦有，就好难做朋友。女儿再追问，曾否考虑过撇开利益跟星爷做朋友，王晶表示做点头之交算了，并谓：「我咁多朋友，冇必要吖。如果要做朋友慨话，咁咪做一个普通朋友啰，唔涉及利益慨朋友啰。（渠系咪当你朋友）普通朋友啦。」 王晶指自己目睹星爷由普通人变成神，将对方睇得好通透，但星爷反而很怕人睇通自己，「佢做咩我都睇得好通，渠而家做慨嘢我都睇得好通，只不过我冇必要讲出嚟。」二人因《少年李小龙》一事再生嫌隙，之后向华胜想开拍《唐伯虎点秋香》都冇时间夹周星驰，向生便找了陈嘉上导演，「陈嘉上又怕咗渠，拍完《苏乞衣》又唔想拍，结果就跌咗去李力持嗰度，其实李力持拍咪即系渠拍！《唐伯虎点秋香》真正意义上面，系周星驰第一次做导演，我唔拍、陈嘉上唔拍，反而造就咗佢好大胆咁样搞出《唐伯虎点秋香》呢套戏。」自《百变星君》后，王晶与周星驰有好一段时间都冇合作，直至美亚公司叫他找周星驰拍《行运一条龙》，预10至12日收工，「嗰部戏都冇乜嘢，渠纯粹攞咗钱就走，都系渠一个话晒事，所以就冇乜冲突。」 之后香港和台湾电影业都因盗版问题而大受打击，他与周星驰各有各发展，但因为当时王晶捧出了刘伟强，有了资金，99年尾他筹备《千王之王2000》，张家辉亦成为当时的喜剧新星，「因为我拍《赌侠1999》同《黑马王子》，同埋《赌侠大战拉斯维加斯》，捧红咗张家辉做喜剧，当时张家辉好好笑，我心谂如果搵周星驰同张家辉合演一部，应该咪好好笑？我就去同渠倾，不如你同渠拍套戏，唔使好多日，我有张家辉，叫埋吴君如嚟，你可以拍几多日吖，佢话七日，我话咁七日啦，我就写七日戏俾佢，佢话『呢排等钱使，咁我拍啦。』点知一拍，渠非常唔合作，演员之间系讲交流慨，我做一啲戏出嚟，你就打返个波畀我，咁我先回得畀你，所有张家辉做啲嘢渠都唔打返个波畀佢，各有各做。你话张家辉有咩瘾？越做越冇瘾！之后有日我唔得闲，叫咗刘伟强嚟帮我替一日，嗰日直头唔合作到想打架，嗰部戏真真正正令我哋产生咗裂痕，由朋友变咗唔系朋友，因为我忍受唔到渠呢种态度。」 王晶更自爆自己特地设陷阱，做了一件以他性格从不会做的事，虽然当初给1千万叫星爷拍七日戏，但其实写剧本时已偷偷决定好七日要拍完对方所有戏份，第七日虽然有叫星爷到场，但该幕戏只是可有可无，「朝头早渠嚟咗，大家排吓戏，渠依旧咁唔合作，咁唔开心，我卒之就……我拍戏未试过咁样爆发，我话周生，我哋都算好朋友，你点解要咁呢？嗱，我话畀你听我已经拍晒，六日我就拍晒你啲戏，今日呢场唔要唔紧要，你唔钟意做唔紧要，你而家即刻同我走，我唔使你拍！以后都唔好合作！」王晶说，自己都猜不到会说得出这番话，但没有心伤和后悔，因为觉得当时不说，以后都不会说。王子涵问到，二人早在92年已开始有裂痕，为何00年才正式反面呢，王晶表示：「因为我不断忍让，有冲突我就避开，到呢次冇得避，避无可避，让无可让，我必须爆发，我就唔可以好软弱，我要畀你知道，你要做呢啲嘢系有后果，所以我喺所有人面前落渠面。」