郭富城ICONIC世界巡迴演唱会
一共会喺红馆举行10场
上半part一连6场
最近就圆满落幕啦
已经接近花甲之年嘅城城
变身舞王再创奇迹
献出多个精彩又炸裂嘅舞台
唔少明星朋友都去咗捧佢场
据闻今次演出嘅主题曲《EXIT》
就係佢精心打造嘅作品
歌词主要表达自己作为舞者
会keep住初心、跳到老嘅情感
郭富城为咗配合呢支歌曲
特别邀请世界顶尖嘅舞团代表
嚟帮佢排呢首歌嘅舞蹈
可以话呢只舞曲
係一只跨国合作互动嘅作品
大家可以从中睇到不一样的郭富城
//////////
除咗创新作品之外
Aaron今次演出嘅舞台
耗资半亿打造加入各种立体机关
令舞台变幻万千
在其中一首舞曲表演时
城城喺舞蹈中加入高难度动作
又有滑跪、跳跃等动作
舞台又升高变形成倾斜效果
刺激到观众都好紧张
舞蹈结束后
原本固定喺佢身上嘅
麦、耳机等设备都跌晒
城城不得不向工作人员“求救”
要call马上台帮手整翻好啲嘢
//////////
城城真心希望呢次嘅演出可以
俾观众多啲新鲜感
所以喺造型上落咗心机
除咗自己标志性嘅all backlook
佢仲尝试咗一款
用胶水浆实嘅“湿发”
尽显自己嘅靓仔头型
但好多网友就唔係好明
呢款发型嘅潮point喺边
just觉得好似湿淰淰
又塌喺头顶嘅一个假发
另一款更具争议嘅发型
就係佢自己都忍唔住
要吐槽一下“好搞笑”嘅
金黄色卷卷泡面头
因为假发卷卷嘅部分
延伸到佢嘅面上
网友笑称，睇落真係好似
被八爪鱼挟持咗咁
仲有一款橙色嘅河童短发
短而翘嘅一个“煲盖”
就算冇挡面
都挡晒城城自带嘅帅气
网友面对佢呢几款
创意到略带抽象嘅发型
都话几难表达中意之情
Aaron嘅靓靓老婆方媛
喺巡演首日
就带住两个宝贝囡囡
到现场为城城打气
Aaron嘅奇怪发型look
一出场就俾咗好多惊吓大家
相信都包括佢嘅囡囡
唔知你有冇睇明白
Aaron喺首日舞台上
呢几款特别嘅假发造型
究竟想表达咩咧
认真听劝嘅城城
喺之后嘅演出中
放弃咗被大家疯狂嫌弃嘅
假发造型
用翻自己嘅靓仔头发啦~
资料来源：微博
编辑：郭玮
核：曾敏妍
签发：董华海、张逸菁
