TVB新剧《企业强人》

静鸡鸡咁开播啦

两大“视帝”

搭档张曦雯、龚嘉欣

上演物流公司嘅发达史

陈豪饰演嘅角色

一现身就豪40亿俾员工

更为咗公司声誉租飞机送货

被观众誉为世纪好老板

而龚嘉欣饰演嘅“方芳”

喺陈豪嘅协助下平步青云

步步走向成功

佢亦被网友笑称为

新一代好彩妹

谭俊彦&张曦雯嘅角色

因生意而生误会

又因误会发生one night stand

令人顿觉世界真奇妙

剧情抓马得嚟又够紧凑

剧中每个角色嘅造型

都有特别嘅看点哦

吸引大家一直追住睇

好似两位“视帝”

饰演生意强人

每分每秒嘅决策

都关乎到亿亿声嘅钱钱

所以佢哋永远都西装革履

一副成功男人嘅标志look

再衬上标准嘅西装发型

隔住屏幕都

feel到佢哋“成功”嘅魅力

大概係因为角色设置唔同

陈豪啲老西相对花咈风骚

阿谭就清一色black

符合佢踏实保守嘅人设

至于张曦文

佢饰演电视台资深主播

又係投行嘅高层

事事都雷厉风行

小香风套裙、长风褛、西装裤等

再搭上一头“新闻女王”式

利落中长发

职场精英嘅气场感拉满

另一位女主龚嘉欣

饰演嘅角色係“成长期嘅强人”

剧集前半part都仲讲紧佢係一个

“初生牛犊不怕虎”嘅靓妹

已经快35岁嘅龚嘉欣

就用一套完美嘅穿搭公示

成功帮自己减龄10岁

宽松嘅工装夹克外套

方便佢搬重物、送快件

打底搭配“半永久”条纹T

百搭复古又唔容易过时

窄脚牛仔裤够晒old school

将龚嘉欣偏较小嘅体型线条

衬翻出嚟

最点睛就係

佢嘅厚重齐刘海

呢个减龄操作满分

搭配cap帽或者安全头盔

成set装扮都好自然

唯一不足就係

厚刘海需要及时整理

稍微忽略就容易挐埋一柱

显得油腻唔清新

//////////

如果讲真实年纪

龚嘉欣仲大过张曦雯嘅

但经过呢套“减龄公式”打造后

龚嘉欣就成功young过所有人啦

凭借呢个“靓妹look”

龚嘉欣喺剧中成功冧掂陈豪

一而再再而三咁获得优待

而张曦雯同陈豪

剧集开播冇耐

两人就“离婚”、成为“前度”

令人感觉唏嘘

因为《强人》系列嘅电视剧

大多都係医生、律师、警察呢类

比较专业嘅职场人士

佢哋嘅服装大多係职业装

只要一穿上就令观众进入状态噶啦

《破毒强人》

《白色强人》

《律政强人》

而今次《企业强人》嘅职业定位

就係更贴近平民嘅“快递物流”

龚嘉欣前期嘅造型

就特别贴地啦

唔知大家係更中意

好专业嘅职业制服诱惑

定係贴地减龄嘅日常look咧

资料来源：微博、剧照等网络信息综合整理

编辑：郭玮

一审：曾敏妍

二审：董华海

三审：骆   苹