电视剧盛宴“你好TVB”

寻日就喺上海举行

一众无线艺人齐齐去捧场啦

喺呢场视听盛宴上

当日公布嘅

“2024你好TVB”片单

可以话係大家最关心嘅内容

TVB会同内地视频平台联手

合拍各种话题之作

仲有各种超班嘅综艺会继续

听到大家心都喐埋

想即刻知道下一部上线剧集

大家都知道

TVB近段时间出街嘅合作剧

都口碑炸裂

所以观众对今次嘅片单发布

表示无限期待

呢场盛宴虽然未有

万千星辉颁奖礼咁大阵仗

但对香港影视意义非凡

嚟出席嘅艺人朋友都盛装打扮

////////

仲记得喺颁奖典礼嘅时候

男士虽然西装骨骨

但至少会衬条珍珠链

或者钻石链坠威水下嘅

就算係“保守派”

都可能用哋姣婆蓝、芭比粉

令自己个造型sharp啲

喺今次嘅发布会上

男士清一色老西+衬衫

颜色都係黑、白、灰

确实唔会出错，但亦好难出彩

嗰几位演开阿sir嘅大只佬

陈山聪、黄宗泽、张振朗

齐齐穿咗个“抹胸”打底

遮实晒好有睇头嘅“事业线”

睇完男星一round红地毡

发现佢哋儒雅得嚟太过保守

好似冇咩睇头啵

反而女艺人发挥得唔错

每位嘅造型都落咗心机

该晒嘅膊、该露嘅线、

该有嘅窿

全部都安排好晒

最近密密有作品嘅杨茜尧

今次冇老公仔喺身边傍住

都可以睇出佢复出后状态大勇

一身中门小开嘅礼服

将佢嘅完美腰线展露无遗

虽然小肚腩微凸

但影相时佢用手仔完美一挡

好难睇得出佢

已经係两个小朋友妈咪

佢条裙喺台下just白色

睇落比较单调

但到咗台上一打灯

即刻闪炩炩变得好耀眼

将隔篱穿“婚纱”嘅薇薇

都即时比咗落去

高海宁穿黑色外套

真空开大V

显瘦又端庄大方

举手投足都好诱人

呢一个开V就好似

喺《新闻女王》中

许诗晴拉开运动服拉链嗰下咁煞食

将自己一下子变成全场焦点

刘佩玥露大美背

胡定欣就晒香肩

陈晓华玩跌半边膊

穿黑色礼服嘅靓女们

都用露肤小心机

搭救咗黑色礼服嘅沉闷

彩色礼服“战队”都有亮点

金色裙高叉晒长腿

蓝色礼服腰间开窿显腰身

泡泡袖show锁骨

华丽、减龄两不误

各位女艺人各出法宝劲

show出“真功夫”

都系希望观众未睇剧

就记住佢哋个靓样先

男艺人真系要学下嘢啦

话时话啦

如果今次行红毡

有“最佳衣着”奖

你哋觉得边个最实至名归咧

靓show开售

吴若希

IN·POSSIBLE-广州站

吴若希巡演首站惊喜不断

MV男主现身劲sweet

Jinny化身“舞娘”超吸睛

广州係佢过去首次开个唱嘅舞台

再次回归

势必有更大、更劲爆精彩呈献

喺“可乐生活”官方抖音号就可以买飞啦

艾怡良

不想忘记的名字们-厦门站

不停开show、不停售罄

“姨娘”嘅声音实在受欢迎

【上海站】嘅门票已经售罄

【厦门站】仲有少量余票

想成为佢“不想忘记的名字们”

快啲去“可乐生活”官方抖音号

抢飞啦

来源：可乐生活Color微信公众号

编辑：张子殷

审核：曾敏妍

签发：骆苹