就快到吴千语嘅生日啦

最近佢嗰班有钱又识时尚嘅朋友

就帮佢搞咗欢乐又温馨嘅生日趴

千语婚后嘅生活真係羡煞旁人

去米兰睇下时装show

去海边穿下比基尼

再晒下啲高级护肤品

精致美丽咁过每一日

而好爱佢嘅老公仔施伯雄

时不时都会喺自己嘅号上

发啲千语嘅小花絮

大家睇住佢哋咁样晒恩爱

都忍唔住嘴角上扬

前两日施伯雄又玩段子

发布一张P过嘅图片

文案配有人帮佢擦鞋

虽然图片遮住咗女主角个样

但由网友偶遇佢哋发出嘅图片

可以睇出呢个黄衫靓女

就係千语BB

网友即刻发挥创造力

帮呢张图片配标题

“千语跪地帮豪门老公擦鞋”

千语平时得闲中意自己下厨

新鲜嘅食材、简单嘅调味

健康悠闲嘅状态

睇到人流晒口水

佢煮嘢食仲有各种得意嘅小习惯

例如将食材放落热镬嘅时候

唔用厨具直接用手

佢手指靠近滋滋冒油嘅镬面

有时都几令人紧张

仲有人发现佢

有次倒调味料嘅时候

用饮完回收再用嘅矿泉水樽装

环保又贴地嘅做法

再次引发大家对佢嘅好奇心

网友笑到

我同千语BB嘅距离又近咗

原来我哋都用同款“二手樽”

//////////

~well~

其实将饮完嘅水樽循环再用

係一种环保嘅做法嚟噶

矿泉水樽除咗可以用嚟

做收纳归类嘅容器之外

仲可以改造成烘焙小道具

中意搞搞新意思嘅可乐君

最近有开始研究面包嘅新玩法

发现用一个废旧嘅樽盖

就可以将平面嘅方包

变立体

▓▓▓▓▓▓▓▓▓▓▓░░░░努力加载中……

先将一片方包嘅面包边切走

再用擀面杖将佢碌扁压实

切出来嘅包边可以食用

仲可以留住做后续嘅装饰

用洗干净嘅矿泉水樽盖

将压平咗嘅面包印出圆形片片

如果有条件嘅话

可以用唔同口味嘅面包

印出唔同颜色嘅片片备用

将圆形面包片片底部捏实

佢嘅形状係咪就好似一片花瓣咧

将佢哋两两再合并捏实

简单嘅小花花就成型啦

喺另一片完整嘅方包中间

挖出小窿窿就可以固定小花花

如果想花花嘅层次感强啲

就可以从内向外继续插入

之前用樽盖印出来嘅圆面包片

将之前切开嘅面包边

切成小段之后，再切成流苏形状

插到花朵嘅旁边做装饰

因为面包柔软

稍微用力就可以固定好噶啦

最后喺花蕊嘅位置

加上一粒朱古力豆做点缀

立体造型嘅方包就做好啦

如果想食脆口吐司

可以将呢个造型面包

成个送入烤箱

中间嘅M豆会融化成流心

面包会被烤到卜卜脆

如果你嘅早餐

从咁嘅花花面包开始

係唔係心情都靓一啲咧

资料来源：微博、小红书等网络信息综合整理

Color DIY图：黄译萱

编辑：郭   玮

一审：曾敏妍

二审：董华海

三审：骆   苹