【On.cc】陳豪內地開工當街同路人吹水 孖陳茵媺街拍甜到漏
視帝陳豪（阿Mo）出名係貼地親民男神，nice爆性格獲大批觀眾喜愛，近年佢就去到內地發展，積極登台同出席公開活動，最近就有網民分享野生捕獲陳豪，話撞見佢出現內地某食肆餐廳門口，仲勁親民咁同路人互動吹水，成為話題。
陳豪今年會有主演電視劇集《俠醫》播出，劇中飾演中醫，不過未播先嚟「街訪」見人，佢當日身穿全黑色西裝示人，留到成面鬍鬚，官仔骨骨，身邊有一位疑似餐廳男服務員刻意蹲低同前方路人傾偈，估唔到陳豪都加入傾埋一份，笑容滿面表現相當積極，估計佢今趟係去內地開工。
陳豪自己開工就周圍同人吹水，真係勁nice。
另外，又有網友喺廣州撞到佢同陳茵媺（Aimee）齊齊玩街拍，二人同行甜過蜜糖，陳豪全程傍實老婆，恩愛眼神望到實，羨煞旁人。
同老婆一齊就聽聽話話。
眼中只有太太。
陳茵媺甜妹上身。
陳豪咁突出，去到邊都睇到佢。
Perfect match。
陈豪[超话] 陈茵媺[超话]
