【明報即時】歐陽震華首參加英皇娛樂新春團拜︰加盟半年非常刺激
加入英皇娛樂半年的歐陽震華，昨晚與泳兒、女團VIVA、周家怡、溫碧霞、陳國邦、楊天宇、曾傲棐等出席公司的新春團拜晚宴。（大會提供）
泳兒、歐陽震華、女團VIVA、周家怡、溫碧霞、陳國邦、楊天宇、曾傲棐等，昨晚（6日）出席所屬的英皇娛樂新春團拜晚宴。去年簽約英皇娛樂的歐陽震華首次參加公司的新春團拜，他說︰「好開心，因為我好多年冇參與類似嘅活動，以前喺TVB好似冇呢個環節，團拜就有，但一齊食飯就冇。第一年入公司，去年6月開始到依家過咗半年，我覺得呢半年好刺激，刺激嘅係我做咗啲以前咁多年都冇做過、或者冇人搵我做過、甚至係自己冇諗過我會做到嘅事。」
歐陽震華所說的是參與了內地歌唱節目 《聲生不息》，他續說︰「初初我都覺得好似唔係好關我事，呢個節目唱歌嘅個個都係樂壇天花板，但公司話關我事，因為嗰一集係講港劇主題曲，所以好適合我呢個身分上去，因為我實在拍太多港劇啦！我怕失禮公司、失禮香港演員。一唱完我問公司同事有冇走音，佢哋話冇，我唱歌冇乜嘢技巧，只係真心演繹一首歌畀觀眾聽。」至於蛇年願望，歐陽震華表示：「希望大家都身體健康，日日都開開心心，最重要係冇疾病、冇戰爭。」
泳兒在當晚有份出席晚宴的藝人當中，加入英皇的年資最長。她說︰「我今年比較主動，即刻衝出去派利市，同埋我屬狗，今年行運！哈哈﹗」
（即時娛樂）
欧阳震华[超话]
