TVB主席許濤宣佈全部門有人工加：公司年年虧損嘅情況全面轉正

TVB行政主席許濤、總經理曾志偉和高層樂易玲，以及高級行政人員、各部門主管、幕前逾二百五十位藝員、幕後近千二位同事等今日（9日）出席「TVB職藝員聯歡晚宴 2025」。TVB行政主席許濤在活動開始率先在台上表示：「多謝大家喺2024年為公司有辛勤嘅付出，2024年肯定係唔容易嘅一年，無論係外圍嘅經濟環境，抑或係媒體娛樂行業，都有好多好多嘅挑戰，但係我喺度可以好負責任咁同大家講每一年我哋都好成功面對呢啲挑戰，TVB嘅業務無論喺財務上，或喺節目上都有好大嘅認同。」

許濤繼續指雖然經濟環境不好，面對許多行業的挑戰，並表示：「公司可以喺年年虧損嘅情況全面轉正，為咗俾你哋（員工）更多動力，喺呢個月就會透過人事部執行加薪嘅動作，每一個部門都有得加，至於加薪多少就係論功行賞，所以覺得自己好有貢獻，或者覺得自己非常有潛質，必須好有力咁樣展示喺部門主管，數字（薪酬）就會比你想像中更加高，最後再一次多謝大家有更好嘅2025年。」

曾志偉在影大合照時表示︰「TVB捱過最艱難嘅3年，我返嚟嘅時候，係TVB最低潮，但經過呢幾年，因為大家、所有TVB嘅成員一條心做好TVB，好多謝你哋！依家我哋行出去講你係TVB嘅人，人哋都會話多謝你哋做咗好多好節目、好劇集，多謝！呢個係我哋proud of做TVB嘅人！多謝你哋！我哋要繼續加油！」