【On.cc】蕭正楠孖曹永廉開騷　騙得視帝黎耀祥任嘉賓藝人蕭正楠與曹永廉早前假佛

【On.cc】蕭正楠孖曹永廉開騷　騙得視帝黎耀祥任嘉賓

藝人蕭正楠與曹永廉早前假佛山舉行演唱會，當日還邀得視帝馬國明擔任嘉賓，由於反應熱烈，兩人早前宣布添食，下月假廣州開騷，而廣州場嘉賓同樣是視帝級。昨日（22日）曹永廉就在社交網拍片，公開黎耀祥被騙擔任嘉賓的全過程，片中兩人一個箭步衝向目標，阿廉先大讚：「你最近嗰套《巾幗梟雄之懸崖》好收得、好好睇。」阿蕭接力說：「開心到，好睇到我哋想搞一個慶功宴。不如咁啦，12月28號好唔好先？就廣州唐人館啦？」黎耀祥不虞有詐謂：「應該可以，唐人館食中餐。」阿廉見對方爽快答應即說：「就咁決定，你嚟廿幾鐘就可以，8點，準時到。」完成任務後，兩人表現得戚，阿廉更笑謂：「咁易昆嘅。」網民稱見到3人即時想起《公公出宮》及《大太監》等經典劇，又呼籲黎耀祥要下載反詐騙app，非常搞笑！

曹永廉與蕭正楠孖住開騷。