【東網專訪】蕭正楠獲網民力推攞視帝　無懼對戰黎耀祥陳豪：要贏得夠轟烈！

近日憑台慶劇中一人分飾三角的精湛演技，再次成為視帝熱門人選，他坦言對獎項有一定野心，但面對陳豪、黎耀祥等強勁對手，認為要贏就要贏得夠轟烈，不需任何人讓賽。

蕭正楠成視帝熱門人選。

藝人蕭正楠（阿蕭）於台慶劇《巾幗梟雄之懸崖》中精湛的演技，一人分飾三角，三個角色性格南轅北轍，演繹上甚具挑戰，不過阿蕭演得相當到位，每個角色都鮮明突出，明顯花了不少功力，亦獲網民力推為今年「視帝」。面對強勁的對手們，阿蕭接受本報獨家專訪時謂：「因為之前啲角色冇今次咁鮮明，可以滿足到鍾意比較張揚角色嘅觀眾，所以都希望會攞到啲嘢返嚟。」當提到成功入圍就要面對陳豪、黎耀祥等強勁對手時，他即笑言：「通常都係呢啲對手，每一年公司最揼本，最有戲味嘅戲多數都搵呢幾位同事去做，其實大家對咗10幾年，都唔覺有咩特別，當然其他同事攞獎都開心，但如果畀到自己嘅，我覺得我可以同身邊人講聲多謝，因為呢10幾年好多人都幫緊自己，所有嘢都得來不易。」

一人分飾三角。

每個角色都鮮明突出。

演繹到位。

他又言去年第一次成功入圍視帝最後5強已經喜出望外，坦言對獎項有野心，會希望自己有份參演的劇集能夠在一眾劇中突圍而出，不過他亦強調不希望有讓賽的事情發生：「講真呢個獎要靠讓，咁有乜好，要人讓就唔精彩，要贏就要贏得夠轟烈，大家出盡全力去爭先實至名歸。」今次劇中不乏打鬥場面，阿蕭透露每次拍打戲都逃不過受傷的命運：「打完擦傷咗好平常，咁多年都慣啦，好似唔傷就未做到盡咁。」

他坦言恨攞獎。

無懼同黎耀祥爭視帝。

強調不用讓賽。

要出全力爭先實至名歸。

戲中不乏打鬥場面。

他早有心理準備會受傷。

提到太太黃翠如正懷孕中，問他心態上可準備好爸爸時，他笑言未知：「未做過爸爸我真係唔知自己Ready未，只不過見到小朋友會鍾意同佢有互動。」又指夫妻二人好喜歡跟孩子玩，亦受他們歡迎，笑言孩子會感受到大人的喜愛從而願意敞開心扉交流。阿蕭笑言自己的行為有時亦像孩童一樣，所以太太會把他當「囝囝」一樣湊：「去超市，我自己會跑去薯片嗰個位，跟住翠如就會喺後面睇住我，可能呢個就係我哋夫妻相處之道。」

提到即將升呢「爸爸」，他就表示喜歡與小朋友相處。

此外，說到無綫陸續有人離巢，蕭正楠表示現在大環境都偏差，加上每個人想法都不同，所以出去另覓發展亦未嘗不是好事：「我見有啲人出咗去發展可能會更加好，又或者唔再喺呢一行，但換來更加好嘅生活，所以我覺得條命點樣已生成，要走定要留低，已經一早有個劇本，所以我只係跟住劇本行。」不過他表示自己仍然想繼續留在無綫，拍更多不同題材的劇集，探索更多可能性。

至於無綫現離巢潮，他就表示仍想繼續留守。

萧正楠[超话]