节目巡礼︱无綫剧集减产　陈豪：有一定经济压力

视帝陈豪今日（1日）出席无綫节目巡礼，现场不少客户争相跟他合照，他受访时表示多谢客户支持自己，问他是否跟客户拍了过千张照片？他说：“年年都系咁，拉近我哋同客户距离，最紧要开心，大家都开心。（你最近经常喺内地被野生捕获？）系因为成日都返内地工作，工作机会多咗。（转移重心去内地搵钱？）我本身喺香港住，总之两边做。（工作好多？）托赖，大家都好支持我，事业顺顺利利。”问到是否因为工作多，而多买几个60万包包送太太？他笑言：“你哋个价都系错。（一年凼几多次太太？）凼有好多方法，可能我赞佢靓同锡吓佢已经系凼。（咁一年买几多包包？）你哋想问我呢个问题，我系唔会话畀你哋听。”讲到他挑战张智霖变“宠妻狂魔”狂买包包送太太，他闻言笑而不答。

另外，提到无綫本地制作剧减产，陈豪不讳言大家面对一定的经济压力：“大家变做稳守，喺有限嘅资源下尽量分配喺好少少嘅剧本，唔会好似以前咁一次开咁多剧，我唔担心冇得拍剧，因为公司嘅牌照系讲明一年要有几多小时嘅剧集提供，有剧拍，防守性咁做。”

黎耀祥坦言今年有信心凭《巾帼枭雄之悬崖》打入视帝五强，同无綫一年一部剧，近期亦孖住麦长青于内地拍综艺节目《江湖见》，走访武侠小说美食，例如华山论剑去华山睇吓有咩好嘢，洪七公锺意食嘅乞儿鸡嘅来源。已经走访了9个省份。讲到无綫剧集减产，他表示与内地合作有好有唔好，外援增加新鲜感，组合会丰富过以前，合拍剧需要更多卡士，希望拉上补下，人人有工开。

讲到合拍剧，他说：“制作系少咗，不过我不嬲都唔拣剧本，公司会安排最适合嘅畀我，包括人选及剧本，信任公司。拍剧有好处唔好处，合拍多咗剧情嘅丰富度，选角方便仲有外援，会有好多唔同嘅组合，唔系局限净系TVB嘅演员。”