巾帼枭雄4｜戴耀明台上示爱　陈晓华送好人卡：我叫罗天宇学吓嘢 TVB剧集《巾帼枭雄之悬崖》宣传活动中，戴耀明於台上向陈晓华「示爱」，陈晓华接受访问时说：「有咩感觉？梗系好开心啦！我都叫罗天宇学吓嘢，哈哈，几好呀，拍嘅过程系好好。我系拍得好开心，因为成套剧我都系同罗天宇拍，佢三个月都从来唔会讲呢啲，佢都好好人嘅，但就唔会好似戴耀明咁样。系咁多人面前讲喎！即刻心动咗！女仔听到都开心。」 会不会考虑一下戴耀明？陈晓华回答时没有明确说好还是不好，她说：「开心罗，我觉得而家好多人赞人都未必会讲出嚟。我觉得戴耀明做咗一个好好嘅榜样，例如我好锺意七爷，我都要同七爷讲佢做得好好，我好锺意你咁。（觉得戴耀明份人点？）好好人罗！同埋佢系好精神满满嘅一个人，佢喺片场偶而唔会讲嘢，但系佢一讲就会觉得佢好好笑。」 问到陈晓华，剧内剧外会拣戴耀明还是罗天宇，她就回答：「我好认真谂，剧内都一定会拣韦豪，虽然韦豪系一个好慢热又成日激嬲人嘅一个人，但系我睇完咁多集，我觉得韦豪喺背後做咗好多嘢而桂花香系唔知。（现实中呢？）两个都唔拣，我系嗰啲独立女性嚟，做咩要拣男人啫，哈哈！」