林家谦想同阿姐汪明荃唱《热咖啡》 盼传承汪阿tag 林家谦今日现身旺角出席品牌活动，由於久未有出席公开活动，现场有大批fans围观，提到早前为阿姐汪明荃演唱会主题曲作曲，问到会唔会有机会做埋嘉宾，家谦表示未知，一切顺其自然。而对於阿姐表示歌曲难唱，他说：「我有唱过demo俾佢听，我知啲音系饶口，咁阿姐系阿姐嘛，佢可以胜任到好多嘢，我尽摆要有嘅元素落去。」 家谦又指因为阿姐唔玩「汪阿tag」，所以自己要传承落去，仲改埋「汪阿Lam tag」，问到如果真有机会同阿姐合唱，家谦即反问：「咁益我？《热咖啡》、《Pink Lady》都几好玩。（会用咩造型呢？）我返去了解下先，我听讲过，但未睇过个动作，所以要了解下先。」 另外，讲到为电影《破．地狱》创作电影主题曲《普渡众生》，他表示希望大家睇完会有歌影合一嘅感觉，预计大家最快会在首映礼上听到。「我睇嗰时有眼湿湿，有埋後劲。」
