周星驰昔日《430穿梭机》搭档龙炳基，谈到日前王晶谈论星爷的言论。

他表示：「同周星驰啲恩恩怨怨佢都讲过好多好多次嘅，大家都知佢哋有啲唔系几啱㗎喇，所以讲啲内容都比较负面啲。讲啲嘢重覆重覆又重覆，讲啲嘢系相同㗎喎！」

龙炳基强调跟周星驰已久没联络，不是为对方讲好说话，他说：「我移民呢30年来都冇咩接触，无论佢点样都好，都同我冇咩关系，我知嘅嘢，同大家知嘅都差唔多啫！」

龙炳基指约2000年左右，周星驰早已是大牌明星，全球很多人都认识他，「大牌我估都唔系佢专有啦，有好多大牌明星都耍好多大牌，点解大牌明星可以耍大牌？啲电影公司罗、啲经理人公司罗、好多幕后人就惯佢哋，所以佢哋可以肆无忌惮。咁如果所有大牌都有呢个情况出现，咁系咪净系……罪名就系『周星驰，你咁就唔得喇』？」

他续说：「我唔系帮周星驰辩驳呀，我觉得如果晶哥畀啲时间，认真啲……嗱！好老实讲，早两年佢拍嘅《追龙2》呢，就已经摆脱咗佢过往嗰种比较烂片嘅风格、制作，其实如果晶哥改变吓，我谂佢唔使成日提周星驰，可以将周星驰遗忘，因为冇意思罗！」#电影正当夏#