紥职3︱周励淇临场被加打戏无垫防护上阵　“一Take过搞掂啦” | 香港01

香港江湖情仇电影《紥职3》今日（19日）举行首映礼，导演吴家伟携同黄宗泽、张继聪、周励淇、陶大宇、林千渟等一众主演出席。电影延续《紥职》系列风格，以全新故事出发，讲述黄宗泽、张继聪及陈家乐饰演的三兄弟引发一连串社内风波，更影响到社团上一代花锦（郑浩南　饰）与阿群（陶大宇　饰）两位大哥之间的权力斗争。

陶大宇与周励淇（Niki）于首映礼上接受访问，多年未有拍港产片的陶大宇，竟自嘲为新人：“新人嚟㗎！我嘅角色叫阿群，江湖上有规矩、佢就唔依规矩、乱嚟嘅！同剧中同门师兄弟发生好多矛盾！”

大宇哥亦坦诚指自己开镜后具有一定压力：“其实我拍都有压力嘅，因为始终有第一二集个底，会惊接唔到棒。”但陶大宇亦表示导演给予充足空间与信心发挥。而与郑浩南事隔三十年再合作，陶大宇亦表示奇妙：“我识佢嘅时候係喺电视台，之后失散咗几十年，再合作都几奇妙！”

上集饰演江湖大嫂的周励淇，今集与黄宗泽饰演银幕情侣，笑言感情线较淡、未有亲密戏份：“今次咁多男性荷尔蒙，我就出嚟调和下、有啲雌性荷尔蒙，同上次好唔同，同佢哋三个巧遇、捲入咗佢哋嘅风波入面。有啲失望同大宇哥冇戏份！”

Niki亦自爆拍摄现场竟突然参与到打戏中：“今次无啦啦牵涉咗打戏，本身个角色就咁啱撞到，有几场打戏！仲要凌晨拍，问我垫唔垫pad、我都话就咁嚟啦！係临时加戏，但都一take过搞掂，夜啦嘛唔搞太多喇！”

谈到上映后为《紥职3》谢票，陶大宇表示：“首先要多谢大家入嚟睇戏嘅，希望大家睇得开心又刺激啦！”至于会否现场开金口唱《倒转地球》，大宇哥则笑指：“唱歌？唔係演唱会喎、电影首映嚟喎！留返第二啲场合先啦！”观众若要听陶大宇再演绎《倒转地球》，或许更密切留意他的动向！