陈晓华落实拍《新闻女王2》感激佘诗曼大讚 　成新一代TVB剧后 | 香港01

陈晓华和郭柏妍（9日）出席TVB电视剧《金式森林》探班活动，她们接受访问表示：“呢一场戏其实係慈善晚会，就睇吓两位少奶点样表演，佢哋两个会表演一场舞蹈俾我哋睇。”

被问到新剧的感情线，郭柏妍表示：“我发现我好少拍戏係啲家族里面，我係同罗天宇最多，同佢去咗唔同嘅地方，因为套戏佢係出咗去住，我哋就少啲喺个家族里面，好似冤家咁样！”睇到是否有激情场面，她笑言：“好似冇，因为呢啲咁重要嘅场面就留返啲大嫂、二嫂好似佢哋有。”

陈晓华指在新剧与郭晋安结婚，并表示：“返到嚟屋企就做妈妈，平时拍戏同埋私底下都会叫我阿妈，嗌咗已经成个月，已经习惯咗做阿妈。有一日郭柏妍叫我阿妈，我就好大反应同佢讲你未过门，唔准叫我阿妈。”

提到陈晓华是“TVB剧后”，她说：“下半年最多电视剧，不过现在仲未播到一套，希望播到大家会喜欢啦！其实上年全年都拍剧，就係尽情尽力係咁拍，所以储咗好多存货，所以好开心！”

讲到郭柏妍早前在Instagram上载一辑“诱人食相靓相”，她笑说：“我女仔朋友帮我影，我嗰阵时仲係长头髮。”提到网民留言大讚性感，她表示：“我冇乜露！因为我都係食嘢，食物实在太好食啦！我对于食物特别开心。”她强调摄影师不是男性，并表示：“女仔影相好过男仔。”被问到会否考虑推出写真集，她表示：“有着衫嗰啲？着衫嗰啲可以考虑，唔着衫嗰啲真係搞唔掂。”

至于《新闻女王2》 确定开拍电影版及电视剧剧版，陈晓华坦言有份拍：“我之前去上海电影节就讲咗会拍《新闻女王2》，不过现在好秘密，公开嗰几个就係嗰几个。”提到会否拍电影版，她表示：“应该会跟返第一季，我谂咋我唔知呀！《新闻女王》有嘅人都会喺度。”讲到佘诗曼公开大讚是好演员，她表示：“真係㗎！我好开心，嗰阵时合作同佘诗曼都学咗好多嘢。”被问到目前是否已经收到剧本，她说：“我未知住。”