《爱回家之开心速递》係好多朋友

追咗好长时间嘅“电子榨菜”

虽然有时会觉得佢有啲无厘头

但胜在短短哋又够贴地

真係几啱用嚟送饭

最近呢部长青情景剧

里面嘅人物出现咗变动

其中最令大家感慨嘅

就係“细龙生”郑世豪嘅离开

不过大家都明白嘅

咁长嘅剧集

偶尔有啲人物角色出出入入

都係佢保持生命力

keep住俾观众新鲜感嘅做法

最近《爱回家》又有新角色出现

之前一直只出现喺台词里面

“三太”口中嗰个“高大靓仔嘅Joe”

终于嚟到现实中同大家见面啦

喺过去2304集嘅剧情中

大家都了解到

龙舟Joe有高学历、喺外国留学

係“大龙生”最疼锡嘅三仔

早前“三太”樊亦敏多次暗示

阿Joe已经有人选

大家仲大胆猜测

呢个角色会有嘅可能性

到咗2305集嘅后半part

剧情安排“三太”闯祸

需要人救驾

阿Joe就英雄救美咁

自然地出现啦

呢个神秘Joe由何晋乐Rock饰演

亮相嘅造型係

四六分发型+圆框眼镜

斯斯文文得嚟显得好老实

都几符合啱大学毕业嘅人设

亦有唔少网友

见到呢个角色之后

就表示有啲失望

觉得何晋乐版阿Joe

唔係佢哋想象中嘅feel

其实呢个Joe喺1256集嘅时候

曾经以少年形象露过正面

当时齐刘海、面圆圆

好乖巧咁嘅样

后来到今年4月尾

就有佢嘅一次背面露出

大家已经开始估估下啦

后来仲有一次嘅剧情

讲到Joe疑似已经si咗

三太仲因此喊到绝望添

好彩最后係个乌龙

到今次Joe终于现“真身”

虽然个外形依然好乖巧

但其实佢好有野心

谂嘢亦奸奸诈诈咁

人设似乎唔多讨好

//////////

有网友甚至表示

完全唔知呢位Joe係何方神圣

好似未见过佢做戏啵

其实Rock

都係《星梦传奇》嘅选手

不过当时三甲不入

以第5名嘅成绩收官嘅

《星梦》结束之后

佢都出咗唔少音乐作品

仲有参加啲综艺节目嘅

喺影视方面

《青春本我》

就係佢嘅“处男作”啦

穿起校服

佢个look都真係几显青春嘅

<右手边第二个boy>

Rock仲有参演

年初热播嘅《飞常日志》

佢喺剧中饰演一个“机场新丁”

经常同吴伟豪一起

不过可能真係太新净

冇太多人注意到佢

唔知大家仲记唔记得

喺《一舞倾城》中

饰演“细细粒”出圈嘅邝洁楹呢？

佢都有份客串《飞常日志》

喺剧情中需要自弹自唱

《陪着你走》

导演就特意安排咗

Rock喺邝洁楹背后

帮佢弹吉他伴奏

为咗呢一幕呈现得更加完美

Rock唔单止

教邝洁楹弹乌克丽丽

更指导埋佢点唱歌

就算係一个“女主背后的男人”

Rock都尽心尽力咁完成任务

依家Joe就啱啱登场

大家都未睇到佢嘅太多发挥

不如睇多几集Rock嘅表现

再为佢今次嘅演绎打分啦

靓show开售

关心妍

《约》22周年巡回演唱会2024

—东莞站

“关家姐”嘅靓声又嚟啦

同歌迷嘅约定佢一定记得

大家合唱嘅声音佢亦非常期待

唔知今次囡囡“心心”仲会唔会登台咧

嚟“可乐生活”官方抖音号抢飞

就可以现场见啦

吴若希

IN·POSSIBLE-广州站

吴若希巡演首站惊喜不断

MV男主现身劲sweet

Jinny化身“舞娘”超吸睛

广州係佢过去首次开个唱嘅舞台

再次回归

势必有更大、更劲爆精彩呈献

喺“可乐生活”官方抖音号就可以买飞啦

艾怡良

不想忘记的名字们-厦门站

不停开show、不停售罄

“姨娘”嘅声音实在受欢迎

【上海站】嘅门票已经售罄

【厦门站】仲有少量余票

想成为佢“不想忘记的名字们”

快啲去“可乐生活”官方抖音号

抢飞啦

来源：可乐生活Color微信公众号

编辑：张子殷

审核：曾敏妍

签发：骆苹