唐诗咏最近如愿开咗面包店

店铺试营业嘅首日

顾客就已经过大排长龙

面包好快就沽清

老板娘表示劲感恩

话说唐诗咏两年前约满离巢TVB

之后就基本冇佢嘅影视作品了

除咗一档友台嘅旅游节目

佢就专心过自己嘅生活

去跑步锻炼身体

学整针织手工艺

当然仲有出埠深造烘焙

唐诗咏喺最近嘅采访中提到

离开旧东家之后

佢先真正咁enjoy自己嘅生活

喺海外学烘焙嘅时间

佢仲同关系疏远嘅爸爸

修复咗关系

睇翻佢学面包时嘅留影

佢冇咩打扮自己

但就笑得好开心

睇得出佢係真心喜欢做呢件事

学咗两年终于出师

并且拥有自己嘅面包店

据闻呢间店每月要6万租金

里面嘅单品价格偏中上

食过嘅人都话好好味

暂时口碑唔错嘅

//////////

唐诗咏嘅面包

我哋冇咁快可以食到

可乐君就发现

喺我哋身边面包店

都有好多笋嘢

喺体育西地铁口有个

卖手工碱水面包嘅网红小摊

几乎每日都会出摊

卖造型好得意嘅碱水包

佢最出圈嘅单品就係

肌肉熊仔面包

有唔同嘅口味可以拣

除咗肌肉熊仔之外

依家仲多咗好多得意造型

斋睇个look就非常治愈

最近小摊更推出咗

面包造型嘅挂饰

丑丑萌萌嘅小可爱挂件

都几俘虏人心啰

再睇睇体育西地铁口

“三巨头”卖嘅点心

喺网上爆红

吸引好多“为食猫”过嚟打卡

认准白发阿姨嘅摊

艾糍烟韧多料

其中，肉松&芝麻馅最受欢迎

多味多花臣嘅米浆钵仔糕

仲係小时候嘅味道

依家好少地方有得卖

卖潮汕点心嘅摊档

同样选择多多

红桃粿、腐皮卷等等

软糯嘅、有嚼头嘅任君选择

呢“三巨头”已经红到出晒圈

早前我哋个friend黎诺懿

嚟chill游广州嘅时候

特别去搵佢哋打卡

身为“港普教父”嘅诺懿

好自信咁用自己嘅“煲冬瓜”购物

创造咗一堆新嘅食品名

大家行过路过呢啲摊档

都可以去感受下

呢份可可爱爱嘅人间烟火气

不过可乐君要提醒下大家

虽然面包花样百出好得意

但食品安全问题始终要注意

留意正规嘅茶饮店/面包店

一样可以俾到大家惊喜

资料来源：微博、小红书等网络信息综合整理

编辑：郭    玮

一审：曾敏妍

二审：董华海

三审：骆   苹